-

შემომეჩეხა ხეების მწკრივში
ჩაბერებული ყვითელი სკამი.

იასამნებით ჩამქრალი ღვინო
დაიქცა ბაღში,
დამათვრა მკერდზე.

ოთახში ბიჭი ზის და იცინის.
ღამის ფრინველი დაეძებს ბინას.
და ძილისფერი ღამის სიმძიმე
ზღვამ თბილ საწოლში შემომიწვინა.

იასამნებში ჩაცურდა ღვინო,
რომელიც მკერდზე მესვენა მუცლით.
არ უნდა წავყვე, არც გავიცინო,
რომ არ გამომრჩეს ის, რასაც ვუცდი.

და შემიყვარდა ხეების მწკრივში
ჩაფიქრებული ყვითელი სკამი.